荒廢左好耐..

依邊無寫咁耐都唔知仲寫唔寫好...

Down晒，好攰，無心機打

朝早起身勁頭痛，
所以無去練波。

夜晚去左同阿單、朱仙、thy、Connie、Joe仔、Jason、Billy食飯，
Kai子欣打扮到超級細路女咁出現，一見到佢嗰陣係度諗做乜有個細路喺度。
而佢亦都因為：開左蓋先黎搖支奶搞到整污遭件衫要返屋企換所以遲到。

CHECK：
最早黎嗰六個清一色著白色衫。

一開始大家諗住去大家樂食..
唔好玩啦！

之後擾攘左一輪(獲獲都係咁)，
就決定去扒王之王鋸扒。

原來個雜扒真係好有份量(我同thy嗰個好似重特別多)，
我地重要叫多個飯..好彩我慢慢食都總算食得晒。

CHECK：
1)thy：嗰套【我的野奶嬤嬤】...
2)Connie：塊扒成塊面咁。
3)Joe仔失常咁狂搞爛gag。

之後成班人走左去打機(又打..- -")，
一落到去就行左去篤篤機嗰度玩..
不停玩捉錯處，玩左起碼四五次..
不過真係幾好玩，但Joe仔由於反應勁慢既關係中途離開左。

玩完行緊去高達嗰邊嗰陣，
我同Jason講：會唔會撞到阿龍丫拿？
點知話口未完...

之後又打左一陣Virtual Tennis(一條友去機鋪只會打依部)..
Stage 3就瓜左..

打完機後，移師過河畔食糖水，
行緊過去途中巧遇啱啱踩完單車既肥宇，
咁佢就Join埋我地一齊去食糖水啦。

肥宇話佢組織左隊車隊叫：One Night Speed...
重自稱佢嗰部就快散既買餸單車為烈火戰車。

間野乜都無..吹漲..
Waitress：無呀，芒西..乜西都無呀！

食完就同Connie、朱仙、Billy搭車返屋企。
今日雖然好簡單，不過好開心。

下晝去左練波，
點知又係無人黎..
最後都係得7個人到左。

一開始只係喺無咁曬嗰邊射下波，
開下Corner..
之後有其他人黎就同佢地鬥波。

開波無幾耐Joe仔又再施展新技---擺烏龍！
嗰陣佢想解圍點知躂Q，
個波就帶著重側旋直飛入網...
甚有《足球小將》入面拿度尼既影子。

其後又輸多粒..

重整旗鼓之後我地順利板回一球，
跟住有人黎跟隊，我地就順勢入多粒..

踢完都原來已經六點半，
Shit..遲硬到lu...

極速返屋企沖涼換衫吹頭之後，
出到去都已經八點鬆d。

今日有：阿gel、牛屎、鱷魚、王晶、師父、大v、勤仔、我、賴仔、Nick、Jack、馬旨同海龜黎打邊爐。(比我預期中少人囉..
個個話黎又唔黎..食個飯姐！？咁耐之前約定都黎唔到？
真係撞啱返工或者有野做既..OK！我好明白，
但我相信依d人唔多囉...5C，都無幾多時間淨啦...
而家都約唔齊人，以後更加約唔成囉！)

一開波佢地淨係攞左佢地10個人既位，
但係又無幫我地攞，搞到我地要開多兩個位..
坐到勁迫...！哈哈！

跟住我同勤仔都未食完..
鱷魚就係咁話走...

阿gel同牛屎食完之後就返屋企，
我地就過左中央公園坐。

Jack同勤仔上左山坡探險嗰陣"打搞"到人..
之後佢地重心絲絲走左上去再gup過，
點知勤仔突然電話響..極速四散。

由於公園閂門，所以成班過左黃幕嗰邊，
Shit..點知過左去坐左一個字都唔知有無就走...

跟住有人動議去打機，有人唔想打，有人返屋企，
最後得我、勤仔、馬旨、王晶、海龜、師父過左新機地打機。

我再次打我既Virtual Tennis..
Great！太夜無人挑我機！
所以三蚊打左三個幾字，
但仲係爆唔到機...

打到機鋪閂門就走lu...