今日放左學之後學界對鄭植之，
咁我當然就Chem都唔補就起程出發啦...

去到，換衫，熱身，
搞完一大陣就差唔多開波lu...

今日好多人黎左，
蔡濘一個已經帶左好多人黎，
而且天成仲突登早d放，
過黎睇波添！

臨開波之前聽到一個壞消息，
就係胡啟業真係打唔到...

一開波，其實都無乜問題，
丁聰d三分射得好準，
外面蔡濘同威都打得唔錯，
蔡濘重成日鏟入去博Foul添，
但係內線打得唔好...
好多時俾人搶到進攻籃版...
第一節完左輸4分...

第二節開始...
頂！真係睇到火都黎，
有乜理由內線會輸咁多俾人？
高又唔係唔夠人高！
身形又唔係比人差！
邊有可能會任人魚肉？

打到最後，
我地輸8分，
死因係內線輸晒！
錦華同阿昌打到...唉...

場波完左...
李斌做賽後檢討，
當佢話出面?鶪T個成日一接波就拍波，
同埋唔交波之後，
丁聰就駁嘴話：
我唔覺得有咩問題喎！
又無人出黎接波，咁我咪拍囉！
咁我有空位，我咪射囉！
我唔覺得我有咩問題喎！

跟住李斌就沉默左好耐...
不過丁聰都知道自己燥左d，
所以之後都無話再駁佢...

場波完左?鶧}我真係好嬲，
嬲自己點解唔俾心機練好d，練勁d，
搞到而家咁，基本上我係第十二人，
即係最無機會出場?鶩荂A
我成日都話要練大隻d，
講，多過做，
可能有既，不過最多三日囉。

今年練波練多左好多，
因為我真係好鍾意依隊波，
丁聰、胡啟業、蔡濘、陳鴻威，
佢地幾個係好好既學習榜樣黎，
尤其係胡啟業，
佢練波?鶧}真係好認真，
好想用佢係出面既經驗黎搞好隊波，
提升我地成隊波既水平。

丁聰，次次練波最早到既都係佢，
放好多時間落籃球度，
成日都會提點我地，
雖然好易就會好燥，
成日鬧人，不過我打得唔好佢唔話我我反而會唔開心，
佢可以話係對我既一種推動力。

蔡濘，最後一年打籃球隊lu...
其實識左佢真係唔算耐，
只有一年到既時間，
不過已經好fd，佢亦都成日鼓勵隊友，
好鍾意同佢一齊打波。

隊長威，唔駛點講啦，
由細識到佢大，
做人有決心，話做就做，
唔止運動方面，佢連讀書都係咁！
依點我真係要學。

其他仲有高佬傑、何駒、阿昌、譚湧鍵、黃東鐳、錦華、畢睿憲。

高佬傑今年Form 3，
有不恥下問既優點，
不過份人就傻下傻下咁，
就連打波?鶧}都係...真係要改改佢啦...

何駒，今年做左第六人，
無理由佢得我唔得！
所以我都要加倍努力！

阿昌，另一個F.7，
份人幾好，不過好似好軟弱咁，
成日都無乜信心...

譚湧鍵、黃東鐳...
都唔知佢地入黎籃球隊係做乜？
經常缺席，尤其是譚湧鍵，
佢今年明明唔駛做S.U.d野架啦，
我都唔明有咩咁忙？
連一個禮拜一次，
每次兩個幾鐘既練波都抽唔到時間出黎？
仲要成日話做咩出高佬都唔出佢，
其實講真，我覺得高佬打得好過佢。

錦華，越黎越唔知佢點咁，
前年同舊年好俾心機打籃球，
但係今年開始就成日都無黎練波...

畢睿憲，我既競爭對手，
同我打同一個位置，
亦都係我既目標。

今年依隊波，
其實每個人我都好鍾意，
所以我真係好希望今年能夠打出一d成績，
但係經過今日之後，
一切都幻滅lu...
我地幾個就話重可以下年再黎過...
不過蔡濘同阿昌...

而家我地只可能爭個第五，
學胡啟業話齋，
要贏一個好好睇睇既第五返黎，
一場要打得好過一場！

我好希望我地真係做到，
當係為左蔡濘、阿昌，為左自己，
本來我對下年返唔返到入黎讀都無乜信心，
不過，而家我真係好渴望好渴望返到入黎，
返黎依隊我鍾意既籃球隊。